BLANTERSWIFT101
واش بالصح كيحساب ليك Gmail ديالك محمي ؟
السبت، 6 يونيو 2020

السلام عليكم.

إذا كنتي من الناس لي كيستعملوا خدمة البريد الإلكتروني Gmail فهذا شيئ جيد نظرا لأنه معروف من أفضل خدمات البريد في العالم ومتعرفوش عليه ثغرات كبيرة بحال لي بانوا في خدمة البريد ديال مايكروسوفت ولا قبلها في خدمة الياهو.

وإذا كنتي من النوع لي كيستعمل كلمة سر صعبة التخمين وقوية فهذا أيضا شيئ جيد وراك كتحاول تحمي راسك والبيانات الخاصة بك.

ولكن إذا كنتي كتستعمل كلمة مرور الخاصة بالبريد الإلكتروني في جميع المواقع لي كتسجل فيها من مواقع التواصل الإجتماعي وومنتديات وغيرها.. هنا سمح ليا نقول ليك أخي أختي بأنك ضربتي كلشي فالزيرو.

علاش ؟ لأنه وببساطة شحالما كانت كلمة المرور لي عندك صعيبة في التخمين على أعتى الحواسيب في العالم وشحالما ستعملتي أحسن الخدمات في الحماية سواء Google أو غيرها فإنك باستعمال نفس كلمة المرور الخاصة بالبريد الإلكتروني للستجيل في خدمات أخرى كتعرض كلمة المرور الخاصة بك للخطر مهما كانت قوتها لأنك ببساطة كتسجل فمواقع لي كتكون فيهم الحماية طايحة بزاف وبالتالي فضمان أن كلمة المرور ديالك متسربش إذا تم اختراق أحد المواقع لي انت مسجل فيها شبه منعدم.

الحل ببساطة هو تغيير كلمة المرور الخاصة بك كل مدة معينة وكذى استعمال كلمة مرور خاصة بريدك الإلكتروني فقط وخصوص البريد الإلكتروني الرسمي الخاص بك لي كتيتعملوا فأغلب حساباتك كمواقع التواصل الإجتماعي والحسابات البنكية وأي حاجة مهمة خاص تكون مربوطة بالبريد الإلكتروني الرسمي وخاص تربط هاد البريد بالرقم الهاتفي ديالك.. هكا حتى الا مشا ليك شي حساب من الحسابات ديال مواقع التواصل الإجتماعي غتدقر ترجعهم عن طريق بريدك الإلكتروني لي انت داير ليه كلمة سر خاصة والهاكر لي اختارق حسابك فمواقع التواصل الإجتماعي مغديش يقدر يدخل لبريدك الخاص وبالتالي غتوصل برسالة فيها بلي شي واحد دخل وبدل الكلمة السرية الخاصة بك وبعض الخطوات لاستعادته.

وكخلاصة غدي نقدم ليكم موقع الكتروني فيه أزيد من 28 ألف قاعدة بيانات مسربة غدي تكتب الإيميل الخاص بك فديك الخانة وتأكد واش الإيميل ديالك تسربوا المعلومات الخاص به من شي موقع ولا الإيميل ديالك آمن.. إلا طلعت ليك النتيجة بالأحمر فغيتوجب عليك تغير كلمة المرور الخاصة بالإيميل ديالك حالا لأنه يمكن لأي شخص يتوصل بدوك البيانات المسربة سواء في الإنترنت المظلم أو في مواقع عادية كتحط ملايين البيانات المسربة..